భారతీయం

2012-01-23T16:37:00.003+05:30

ఈ మధ్య బ్లాగ్ లో వ్రాస్తున్నాను గాని, ఎందుకో అమనస్కం గా అనిపిస్తుంది...అలాంటప్పుడు మనం అనుకునే రిజల్ట్ రాదు .. అందువల్ల తాత్కాలికంగా కావచ్చు లేదా శాశ్వతంగా కావచ్చు నేను ఇక వ్రాయలేక పోవచ్చు .. ... నేను బ్లాగ్ మొదలు పెట్టిన కారణాలు వేరు ..అవి అమలు లోనికి తేవడంలో ఏదో ఇబ్బంది .. అందుకే ఈ నిర్ణయం తీసుకోవడం జరిగింది .. నిజానికి కంప్యూటర్ లో తెలుగు భాషలో ప్రయోగాత్మకమైన విప్లవానికి నేను చాలా హర్షించి ఈ బ్లాగ్ కి నా సమయం కేటాయించడం జరిగింది ..పూర్తి న్యాయం చేయగలిగినప్పుడే సంతృప్తి వుంటుంది ..అసంతృప్తికి లోనవుతూ ఎ పనీ చెయ్యలేము ... అందుకే నన్ను ప్రత్యక్షం గా మరియు పరోక్షంగా ప్రోత్సహించిన పెద్దలకు సవినయ నమస్కారములతో .....ఒక రచయిత ప్రాకృతిక విశేషాలకు తన వూహామయ ప్రపంచంలో ఎన్నో రంగుల పదములు అద్ది ఒక అందమైన వూహా చిత్రాన్ని మన ముందు వుంచగలడు ... కానీ ఆధ్యాత్మిక విషయాలకు మనం అనుభవించ గలము గాని ,ఎటువంటి రంగులు అద్దలేము..ఆధ్యాత్మికత వాస్తవంలోవుంచుతూ , సహజంగా జీవించడం నేర్పుతుంది ..అదే నాకూ ఇష్టం .. ... పెద్దలకు నాలాంటి అతి చిన్న వారు తెలియజేసే సాహసం కూడనిది .. ..ఈ నిర్ణయం నాకు అమిత ఆనందాన్ని ఇస్తుంది ...ధన్యవాదాలతో ....

2012-01-23T13:21:00.000+05:30

కర్మ అంటే పని అని తెలుసుకున్నాము కదా .. పెద్దల ద్వారా కర్మలు ఎలా విభజించ బడ్డాయో మల్లాది వెంకట కృష్ణ మూర్తి గారు వివరించారు .

౧. సంచిత కర్మ ౨. ఆగామి కర్మ ౩. ప్రారబ్ద కర్మ

౧. సంచిత కర్మ : ఈ కర్మనే సంచయ కర్మ అని కూడా పిలుస్తారు. ఓ జీవి అనేక జన్మల్లో చేసిన కర్మలు పోగైనది . సంచిత కర్మని అంబుల పొదిలో ఉపయోగించ దానికి సిద్ధంగా వున్న బాణంతోపోల్చారు ..

౨. ఆగామి కర్మ : దీనికి ఇంకో పేరు క్రియామాన కర్మ వర్తమాన కాలంలో మన జీవన యానంలో కొన్ని కర్మలు తప్పని సరిగా చేయాల్సిన అవసరం వుంటుంది ..అలా చేసే కొత్త కర్మలు అంటే ఈ జన్మలో చేసే కర్మలను ఆగామి కర్మలు అంటారు .పుట్టిన నాటి నుండి మరణించే వరకూ మనం చేసే ప్రతి కర్మా ఆగామి కర్మ క్రిందకి వస్తుంది...

౩. ప్రారబ్ద కర్మ: .పరిపక్వానికి అంటే ఫలాన్ని అనుభవించే స్థితిలోకి వచ్చిన కర్మలని ప్రారబ్ద కర్మలుగా పేర్కొన్నాను ..e జీవైనా మొదటి శ్వాస నించి ఆఖరి శ్వాసా వరకూ, గత జన్మల్లో చేసిన సంచిత కర్మraashi లోంచి అనుభవానికి తీసుకు వస్తుందో ఆ భాగానికి ప్రారబ్ద కర్మ అని పేరు ..

ఇంకా శుభ, అశుభ కర్మలు ,మిశ్రమ, తటస్థ కర్మలు , స్వార్ధ, పారమార్ధిక కర్మలు , నీతియ కర్మలు, నైమిత్తిక కర్మలు , కామ్య కర్మలు గా మన కర్మలు విభజించ బడ్డాయి ..

2012-01-22T14:36:00.000+05:30


ఒక బంతిని గోడ కేసి కొడితే అది తిరిగి మన వైపు ఎలా వస్తుందో అలానే మనం చేసిన కర్మ తాలూకు phalitam తిరిగి మనక్నే వచ్చి తాకుతుంది. మోక్షం పొందడానికి కర్మ ఒక్కటే చాలదు . జ్ఞానం కూడా తోడవ్వాలి .. అది ఎలా అన్న ఉదాహరణ తర్వాత వివరిస్తాను .. జీవులు జనించే విధానం :---:-ఇందులో ఒక విశేషం వుంది . పుట్టిన ఎ జీవీ మరణించక తప్పాడు. మనిషి ఎదురు చూడనిది, ఆహ్వానం పలకనిది ఒక్కటే ----అదే మృత్యువు .....కాని తప్పనిది కూడా అదే ..ఐతే, అప్పటి వరకూ తన జన్మని ఎందుకొచ్చిన జన్మ అని తిట్టుకుంటూ బ్రతికే వాడు కూడా ముంచుకొచ్చే సమయం ఆసన్నం అయ్యే సరికి ఇంకా బ్రతకాలి అనుకుని తను పూర్తీ చెయ్యలేని, తనతో పూర్తీ చెయ్యబడని పనులు ఎన్నో గుర్తు తెచ్చుకుని నేను లేనిది ఆ పనులు అసంపూర్ణం అనే భ్రమతో కొట్టు మిట్టాడుతూ వుంటాడు . ఆ విధంగా జీవునికి తన జన్మ మీద అభిమానం మిగిలిపోయి , అజ్ఞానం బలపడి , ఆ మేరకే తన prapancham స్థూల ప్రపంచంగా దర్శనం ఇస్తుంది ....udaaharanaku ఆతడి పూర్వ వాసనల వాళ్ళ ఆతనికి భూమి మీద అధిక ప్రీతి ఏర్పడితే, తనకి భూలోకమే స్థూల లోకంగా మారి, ఆ భూమి మీద ఒక జీవిగా జన్మిస్తాడు . జీవులకు వాసనల యొక్క మార్పుల వాళ్ళ వారి అభిమానాలు మారిపోతూ వుంటాయి . కనుక, వారు పై లోకాలకు, క్రింది లోకాలకూ ప్రయాణాలు చేస్తూనే వుంటారు . ఈ ప్రయాణ ప్రవాహానికి అంటూ ,పొంతూ వుండదు . ఈ ప్రవాహమే కల్పాలుగా, యుగాలుగా పెద్దలు లెక్కలు కడుతూ వుంటారు .జీవి జననం తన పూర్వ జన్మ కర్మల మీద ఆధార పది వుంటుంది అని కృష్ణ పరమాత్ముడు గీత లో సెలవిచ్చాడు . అదే కారణం ఈ భూమి మీద జన్మించిన మానవుల జీవితాల్లో వైషమ్యాలకి .. విధి అనేది కర్తా లేక సాధనమా అన్నవిషయంలో శ్రీ రాముడు అడిగిన ప్రశ్నకు వసిష్ఠ మహర్షి సమాధానం ఏమిటో రేపు తెలుసుకుందాము ...

2012-01-21T17:42:00.005+05:30

ఖర్మకి, కర్మకి మధ్య అవినాభావ సంబంధం వుందా అంటే వుంది అనే చెప్తుంది భగవద్గీత. ఖర్మ అను పదమును మనం కష్టాలలో వున్న సమయంలో మన తలరాత ను నిందిస్తూ ఉపయోగిస్తాము ..నుదుటి వ్రాత అంటే విధి లిఖితం .." విధి" ని బ్రహ్మ రాత గా పేర్కొంటాము .పర్యాయ పదం డ్యూటీ అంటే కర్తవ్యమ్ ..అంటే జీవుడు ఎన్నో జన్మల పుణ్య ఫలం వల్ల మానవునిగా జన్మ తీసుకునే సమయంలో మనం చేయవలసిన లేదా మన వల్ల ఈ ఈూమండలం మీద జరగవలసిన పనులు,మన పూర్వ జన్మ కర్మల ఫలితాలు ఆ బ్రహ్మ దేవుడు మన నుదుటి మీద వ్రాసి మరీ పంపుతాడు అన్నమాట .అందుకే కాబోలు ఏది ఎలా జరగాలని వ్రాసి వుంటే అలా జరుగుతుంది అని అంటారు పెద్దలు ..విధి అంటే కర్మే అని శ్రీ యోగ వాసిష్టం లో శ్రీరామచంద్రునికి వశిష్ట మహర్షి కర్మల గురించి వివరించినప్పుడు ఈ క్రింది విధంగా తెలియజేయబడినది ....

"ప్రతీదీ దైవం ప్రకారమే జరిగిపోతూ వుంటుంది .విధి ఆడించి నట్లు ఆడేవాళ్ళమే మనమంతా,మనం దేవుడి చేతిలో కీలు బొమ్మలమని, ఇలా మనలో కొంతమంది తరచూ మాట్లాడుతుంటాము .ఆ మాటల లోని ఉద్దేశ్యం ఏమిటంటే- మానవులు ఎంత ప్రయత్నం చేసినా ఏమి ప్రయోజనం వుండదని , దైవం అనబడే వాడు పైన కూర్చుని తనకు నచ్చినట్లుగా మన తల రాతలు వ్రాస్తాడు అని ..కాని వాస్తవానికి కొడుకుని పెంచి పెద్ద చేసేటపుడు తల్లిదండ్రులు ఒక ఆశను ఆ కొడుకుతో పాటే తమలో పెంచుకుంటారు . పెద్దవాడై తమని ఉద్దరిస్తాడని అంటే తమ ఆలనా పాలనా చూసుకుంటాడని.. కానీ ఎ కారణం చేతనైనా అది నెరవేరనప్పుడు వారు " మా ఖర్మ ఇలా కాలింది " అని శోకాలు పెడుతుంటారు . దీనిని బట్టి నా కర్మ అన్నా, విధి అన్నా , దైవం అన్నా ..ఒకటే అవుతుంది. వారు నా కర్మ అన్నారు . అంటే ఎప్పటి కర్మ ? ..అది వారి పూర్వ జన్మలో చేసుకున్న కర్మ అన్నమాట . . ఇప్పుడు వర్తమానం లో ఒకడు తెలిసి గాని , తెలియక గాని నిప్పు పట్టుకుంటే కాలినప్పుడు "నా కర్మ " అనడు . ఎందుకంటే , ప్రత్యక్షంగా చేసిన పనికి ప్రత్యక్షంగా ఫలితం కనిపిస్తే కర్మ అనరు. ఐతే ఈ రెండు చర్యలలో కర్మ అన్నది ఒకటే ఐనప్పటికీ పాత కర్మకు "విధి" అని పేరు పెట్టారు . అందువల్ల సరిగ్గా పరిశీలించి చూస్తె --పూర్వం చేసుకున్న కర్మ , ఇప్పటి కర్మ అని రెండు రకాల కర్మలు వున్నాయి తప్ప విధి అనేది లేనే లేదు . అది పేరు మాత్రమె"....

నహి కశ్చిత్ క్షణమపి జాతు తిష్టత్య కర్మ కృత .

కార్యతే హ్యనశః కర్మ సర్వః ప్రక్రుతి జైర్గుజై:

-- భగవద్గీత

అనగా ఎ మనిషైనా ఎ కాలంలో నైనా క్షణం కూడా కర్మాణి ఆచరించకుండా వుండలేదు .దీనిలో ఎలాంటి సందేహం లేదు . ఎందుకంటే, మనుష్యులంతా ప్రకృతికి చెందినా త్రిగుణాలకి లోబడి కర్మలని చేయవలసి వుంటుంది ..

అసలు "కర్మ" అంటే ఏమిటి ?

క్రియతే ఆనేన ఇతి కర్మ ---చేయబడేది ఏదైనా కర్మయే . కర్మ అనగా మానసికంగా గాని , శారీరికంగా గాని చేయబడేది .. పూర్తీ ఐన పనిని కర్మ అని, పూర్తీ కాక జరుగుతున్నా పనికి క్రియ అని అన్నారు .అనగా కర్మ తాలూకు భీజం క్రియ లోనే వుంటుంది . కర్మ మంచి కావచ్చు , చెడు కావచ్చు .లేదా మంచి చెడుల మిశ్రమం కావచ్చు .

నీతు భోగాద్రుతే పుణ్యం కిమ్చిద్వా కర్మ మానవం

పావకం నా పునాత్యాషు క్షయో భోగా త్ప్రజాయతే

--కర్మ విపాక సంహిత

అనగా సుఖ దుఃఖ రూపాలైన కర్మలని , అంటే పాప పుణ్యాలని అనుభవించక మానవుడు వాటి నుండి విముక్తుడు కాలేడు ...

హిందూ సనాతన ధర్మం కర్మ సిద్ధాంతాన్ని ఇలా వివరిస్తుంది ..

'ఈ ప్రపంచం లో ప్రతి జీవి జన్మించడానికి కారణం, ఆ జీవి అంతకు ముందు చేసిన కర్మ ఫలాలే ..చెడు కర్మకి ఫలితం పాపం , పాపానికి దుఖం , మంచి కర్మకి ఫలితం పుణ్యం , పుణ్యానికి ఫలం సుఖం. వాటిని అనుభవించడానికే ప్రతి జీవీ జన్మని తీసుకుంటుంది .."

భారతీయం: నేను, నాది, సంసారం, కర్మ.............

2012-01-20T17:32:00.000+05:30

భారతీయం: నేను, నాది, సంసారం, కర్మ.............: ఒక్కోసారి మనం అంటే ఇంచుమించు ప్రతి ఒక్కరమూ వుపయోగించే పదం "నా ఖర్మ " చాలాసార్లు విన్నాను ... ఇలా ఎందుకు అంటారు అని ప్రశ్నించుకునే దానిని .....

నేను, నాది, సంసారం, కర్మ.............

2012-01-20T17:30:00.002+05:30

ఒక్కోసారి మనం అంటే ఇంచుమించు ప్రతి ఒక్కరమూ వుపయోగించే పదం "నా ఖర్మ " చాలాసార్లు విన్నాను ... ఇలా ఎందుకు అంటారు అని ప్రశ్నించుకునే దానిని .. ఎవరినీ అడిగే సాహసం చెయ్యలేదు గాని ఆలోచించి చూస్తె ఈ పదం కొన్నిసార్లు చాలా ఆత్మీయంగా, మన హృదయాన్ని సేద తీర్చేట్లుగా తీర్చేట్లుగాి వస్తుందా అని అనిపించింది .. ఐతే ఈ " ఖర్మ " ఏమిటి ఏమిటికు ఏదైనా విపత్తు సంభవించి నప్పుడు నా ఖర్మ అని మన మనసుల్ని సరిపెట్టుకునే ఈ ఆయుధం ఏమిటి ? ఖర్మ అంటే నుదుటి వ్రాత అని గురించి వాపోవడమా ?కర్మ అంటే పని అని తెలుసుకుంటాము చిన్నప్పుడు చదువు కున్నప్పుడే ..కర్త , కర్మ , క్రియ ...ఈ మూడింటికి అవినాభావ సంబంధం వుంటుంది కదా .. ..ఖర్మ , కర్మ ల మధ్య వ్యత్యాసం కేవలం ఖ మరియు క అక్షరాలూ మాత్రమేనా, ఇంకా ఏమైనా వున్నాయా ? ... తెలుసుకోవాలని వెదుకులాట మొదలుపెట్టాను ... ...... మల్లాది వెంకట కృష్ణ మూర్తి గారి "కర్మ-జన్మ అన్న పుస్తకం లభించింది... చిన్న ఆలంబన దొరికినట్లు ఐంది .. అందుకే నాకు కలిగిన సందేహాన్ని ఇలా బయట పెట్టె ప్రయత్నం చేస్తున్నాను .... ఈ ప్రపంచం చాలా అందమైనది .. ఈ ప్రపంచం లో అనంత ప్రాణికోటి వుంది ..ఎన్నో జన్మల అనంతరం ఎంతో పుణ్యం చేసుకుంటే గాని దొరకనిది మానవ జన్మ.. ఇది అందరికీ తెలిసినదే .మరి ఇటువంటి అత్యుత్తమ మైన మానవ జన్మ తీసుకున్న జీవులు అందరూ సుఖమయ జీవనం గడుపుతున్నారా ?. ...ప్రతి వస్తువుకి రెండు ప్రక్కలు వున్నాయి అని అంటారు ..ఉదాహరణకి తెలుగు వ్యాకరణములో మనం నేర్చుకుని వున్నాము -- ప్రకృతి , వికృతి అని... సుఖము ప్రకృతి ఐతే , కష్టము వికృతి.. ధనవంతుడు ప్రకృతి ఐతే , పేదవాడు వికృతి .. అదేమిటి .. ఎంతో పుణ్యం చేసుకుంటే గాని దొరకని ఈ అతి అద్భుత మైన మానవ జన్మలో ఈ కష్టాలు ఏమిటి ? మానవుడు పేదరికము ఎందుకు అనుభవిస్తున్నాడు ? , ... ..ఈ prashnalaku కర్మలకు ఏమిటి సంబంధం అంటారా ? అదేమిటో తెలుసుకోవాలనే నా ఈ చిన్ని ప్రయత్నం ...

మిగతా రేపు ...